Slik fungerer det
Eit heilskapleg læringsløp som veks med eleven.
Dei same forteljingane blir brukte fleire gonger, men gjev nye perspektiv etter kvart som elevane mognar. Resultatet er djupn, ikkje repetisjon.
01
Bli kjend med seg sjølv
- Kven er eg?
- Kva likar eg?
- Kva er viktig for meg?
- Kva gjev meg energi?
- Kva er styrkane mine?
02
Utforske moglegheiter
- Kva for yrke finst?
- Kva for utdanningar leier dit?
- Kva tyder arbeidslivet for meg?
- Kor kan eigne interesser ta meg?
03
Ta informerte val
- Kva for utdanningsprogram passar?
- Korleis førebur eg meg?
- Søknad og intervju
- Førebuing til neste steg
Rolla til læraren
Rettleiar, ikkje fasitleverandør
Læraren skal ikkje velje for eleven eller bruke resultata i Karrierekompasset som ein fasit. Rolla er å stille gode spørsmål, skape refleksjon og hjelpe eleven med å utforske fleire moglegheiter.
For å lukkast med dette må læraren forstå pedagogikken, progresjonen og undervisningsressursane i Karrierekompasset.
Difor må minst éin ansvarleg lærar eller rettleiar ved skulen gjennomføre eit relevant innføringskurs før løysinga blir teken i bruk i undervisninga.
Kurset gir opplæring i
- pedagogikken og metodikken bak Karrierekompasset
- planlegging av eit heilskapleg undervisningsløp
- bruk av lærarrettleiing, presentasjonar og elevaktivitetar
- korleis resultata til eleven blir brukte som grunnlag for refleksjon
- korleis læraren støttar eleven utan å gi fasitsvar
- læreplanforankring
- progresjon gjennom skuleløpet
- planlegging og oppfølging av arbeidspraksis der dette er relevant