Teamet bak Karrierekompasset.

Kjell Helge er cand.polit. med hovudfag i pedagogikk og har lang erfaring med utvikling av karriererettleiing og karrierekompetanse i Noreg. Han har mellom anna leidd oppbygginga og utviklinga av Karriere Hordaland og seinare Karriere Vestland, og har brei erfaring frå offentleg sektor, næringsliv, UH-sektoren og internasjonale prosjekt.

Han har særleg kompetanse på utvikling av heilskaplege karriererettleiingstenester og på korleis ungdom kan utvikle kompetanse til å gjere gode og reflekterte utdannings- og yrkesval. Kjell Helge er òg forfattar av faglitteratur og arbeidsbøker for ungdom innan karriererettleiing og karrierelæring.

I 2018 deltok han i Kompetanse Noreg, no HK-dir, sitt arbeid med å utvikle det nasjonale kvalitetsrammeverket for karriererettleiing.

I dag arbeider Kjell Helge som sjølvstendig rådgjevar, underviser og leier utviklingsprosjekt med mål om å styrkje karrierekompetansen til ungdom og vaksne. Erfaringa hans med karrierelæring og utvikling av gode valprosessar gjer han til ein sentral fagressurs i arbeidet vårt med Utdanningsval.

Eva arbeider i skjeringspunktet mellom læring, arbeidsliv og kompetanseutvikling, med særleg fokus på korleis menneske utviklar kompetanse, lærer og finn retning i utdanning og arbeid. Ho kombinerer eit analytisk og strukturert blikk med kreativ formidling og solide pedagogiske prinsipp.

Ho har brei erfaring med utvikling av læringsmodellar, kurs, e-læring og spelbaserte konsept som skal styrkje både ferdigheitene til den enkelte og læringskulturen i organisasjonar. I arbeidet legg ho vekt på tydelege læringsmål og på å kople teori og praksis slik at læringa blir relevant og nyttig.

Eva har særleg kompetanse innan arbeidslivskompetansar og karriereutvikling, livslang læring og arbeidsinkludering, systematisk kompetansekartlegging og utvikling av ferdigheitsrammeverk. Ho har òg omfattande erfaring med å utvikle engasjerande læringsopplevingar i ulike format.

Eit gjennomgåande mål i arbeidet hennar er å skape læring som er relevant, meiningsfull og berekraftig for både individ og samfunn. Denne kombinasjonen av pedagogisk kompetanse, forståing for arbeidslivet og erfaring med kompetanseutvikling gjer Eva til ein viktig fagressurs i arbeidet vårt med Utdanningsval.