Sist oppdatert: juni 2026
Karrierekompasset er bygd for ungdom. Vi tek personvern på alvor og behandlar personopplysningar i tråd med personvernforordninga (GDPR) og norsk lovgiving.
Synchrocity AS er behandlingsansvarleg for personopplysningar samla inn gjennom Karrierekompasset. Kontakt: post@synchrocity.no.
Vi behandlar berre dei opplysningane som er nødvendige for at tenesta skal fungere: namn, skuletilhøyrsel, eleven sine svar og refleksjonar i verktøyet, samt tekniske data som er nødvendige for drift og tryggleik.
Opplysningane blir brukte for å gi eleven eit personleg læringsløp, gi læraren grunnlag for rettleiing, og forbetre den pedagogiske kvaliteten i tenesta.
Behandlinga skjer på grunnlag av avtale med skuleeigar, og der det er aktuelt samtykke frå elev eller føresett.
Vi sel aldri personopplysningar. Data blir berre delte med skulen som elevane høyrer til, og med databehandlarar vi har inngått avtale med for sikker drift av tenesta.
Vi har eit kontaktregister over skular, kommunar og fylkeskommunar, med namn, rolle, e-post og telefon til tilsette som arbeider med utdanningsval og karriererettleiing. Opplysningane er henta frå offentleg tilgjengelege kjelder som nettsidene til skulen og skuleeigar, fylkeskommunale rådgjevaroversikter og Nasjonalt skuleregister. Behandlingsgrunnlaget er rettkomen interesse (GDPR art. 6 nr. 1 bokstav f) for å informere om eit fagrelevant tilbod. All e-post vi sender opplyser om kvifor du får han, og inneheld ei avmeldingslenkje. Melder du deg av, vert adressa blokkert permanent. Du kan når som helst be om innsyn, retting eller sletting ved å kontakte post@synchrocity.ai.
På dei offentlege nettsidene brukar vi Meta Pixel for å måle effekten av annonsekampanjar i Facebook og Instagram. Pixelen blir berre lasta dersom du aktivt samtykkjer i cookie-banneret, og han er aldri aktiv på innlogga sider. Vi registrerer sidevisingar og innsende skjema, ikkje innhaldet i det du skriv. Du kan når som helst trekkje tilbake samtykket ved å slette nettlesardata for denne nettstaden, og vår eigen besøksstatistikk er anonym og uavhengig av dette.
Opplysningar blir lagra så lenge eleven brukar tenesta, og blir sletta når skuleeigar avsluttar avtalen eller på førespurnad.
Du har rett til innsyn, retting, sletting og dataportabilitet. Du kan også klage til Datatilsynet. Førespurnader blir sende til post@synchrocity.no.
Vi les landkoden frå IP-adressa di berre for å føreslå eit passande språk. Sjølve IP-adressa blir ikkje lagra.